Kërkon falje pas incidentit

Luis Suarez kërkoi falje për sjelljen e tij pas finales së Kupës së Ligës, ku Inter Miami (ku luajnë si sulmuesi uruguaijan ashtu edhe Lionel Messi) humbi ndaj Seattle Sounders.

Pamjet filmike tregojnë Suarez duke pështyer një anëtar të stafit të Seattle dhe duke kapur të paktën një kundërshtar për fyti gjatë përleshjes pas ndeshjes. Incidenti ka nxitur një hetim nga Major League Soccer, dhe Suarez përballet me një gjobë të rëndë.

“Para së gjithash, dua të përgëzoj Seattle Sounders për fitoren e tyre në Kupën e Ligës. Por më e rëndësishmja, dua të kërkoj falje për sjelljen time pas ndeshjes”, shkroi Suarez në Instagram.

“Ishte një moment shumë i tensionuar dhe frustrues. Gjëra ndodhën menjëherë pas ndeshjes që nuk duhej të kishin ndodhur, por kjo nuk e justifikon reagimin tim. Bëra një gabim dhe pendohem sinqerisht për të”, shtoi ai.

“Nuk është imazhi që dua të projektoj, as për familjen time, e cila po vuan për shkak të gabimeve të mia, as për klubin tim, i cili nuk meriton të preket nga diçka e tillë.

Më vjen keq për atë që ndodhi dhe nuk doja ta humbisja mundësinë për ta pranuar dhe për t’u kërkuar falje të gjithë atyre që ndiheshin fajtorë për atë që bëra”.