Fenerbahce arrin akordin me Zidanen?
- Bota Sot
Fenerbahçe është pranë një marrëveshjeje të madhe me Zinedine Zidane, i cili pritet të zëvendësojë Jose Mourinhon në stolin e skuadrës turke.
Mediat raportojnë se legjenda franceze ka dhënë një përgjigje pozitive në parim për të marrë drejtimin e klubit nga Stambolli, ndërsa aktualisht po zhvillohen negociatat mbi pagën dhe kushtet e kontratës.
Nëse bisedimet finalizohen me sukses, Zidane pritet të udhëtojë së shpejti drejt Turqisë për të firmosur dhe nisur detyrën e re.
Kujtojmë se më 29 gusht, Fenerbahçe u nda me Mourinhon pas eliminimit nga Benfica në kualifikueset e Champions League, duke lënë të lirë stolin që tani mund të merret nga një nga trajnerët më të suksesshëm të futbollit modern.
