Lautaro Martinez nuk fshihet

Kapiteni i Interit, Lautaro Martinez dha një intervistë të gjatë për “France Football”, ku në mënyrë të pashmangshme komentoi edhe për Topin e Artë, trofe i cili do të jepet në tetor.“Do të jetë e vështirë ta fitoj.

Patëm një sezon të shkëlqyer si ekip, duke qenë konkurrues kudo. Në fillim nuk isha në formën time më të mirë, por me kalimin e muajve u ndjeva gjithnjë e më mirë.

Shënova shumë në këtë Ligë të Kampioneve (9), gjë që më lejoi të bëhesha golashënuesi më i mirë i të gjitha kohërave i Interit në këtë garë (21 gola), një objektiv i rëndësishëm për mua. Nuk e di se çfarë vendi mund të pretendoj, por u ndjeva shumë rehat, i lumtur dhe edhe nëse ndeshjet e fundit na privuan nga titujt, pata një sezon të shkëlqyer (59 ndeshje, 27 gola, 4 asiste). Meritoj të jem në një pozicion të mirë.”

Lautaro përsëriti gjithashtu se renditej në vendin e shtatë në renditjen e Topit të Artë nga viti i kaluar: “Prisja të renditesha më lart pasi përfundova si golashënuesi dhe lojtari më i mirë i Serie A, duke fituar Kupën e Amerikës me pesë gola, përfshirë golin e fitores në finale. Gjithashtu fitova Superkupën e Italisë, duke shënuar në gjysmëfinale dhe në finale. E respektoj zgjedhjen e gjyqtarëve; më pyetën se çfarë mendoja dhe unë e thashë. Ndonjëherë më nënvlerësojnë. Në fund të fundit, është çështje shijeje. Ndoshta është çështje imazhi, marketingu, i cili nuk më çon aty ku meritoj të jem. Por gjithmonë jap gjithçka për shokët e mi të ekipit, për fanellën time. Jam padyshim midis pesë sulmuesve më të mirë në botë.”

Lidhur me favoritin e tij për të fituar Topin e Artë 2025, argjentinasi shtoi më në fund: “Shumë kanë pasur sezone të shkëlqyera, me tituj të shumtë në karrierën e tyre. Parisi ka disa kandidatë (9) dhe njëri prej tyre mund ta fitojë, Hakimi, Dembele…

Sa i përket pjesës tjetër, më pëlqen shumë Mohamed Salah. Por varet se si i vlerësoni të gjitha, sepse ai pati një sezon të shkëlqyer në Premier Ligë, të cilën e fitoi, dhe është një lojtar vërtet interesant”.