Nagelsman kërkon kohë

Trajneri i Gjermanisë, Julian Nagelsman po kërkon kohë për të përpunuar humbjen e hidhur 2-0 në Sllovaki dhe se dëshiron të zhvillojë një “diskutim” me eprorët e tij Rudi Voler dhe Andreas Retig. Në një prej humbjeve më të rënda si trajner kombëtar,

Julian Nagelsman kërkoi “disa orë” të enjten në mbrëmje për tu përgjigjur siç duhet ndaj disfatës historike 2-0 në Sllovaki.

Ishte hera e parë që kombëtarja gjermane humbte ndeshjen hapëse të kualifikueseve të Botërorit, dhe ishte humbja e parë pas 53 ndeshjesh kualifikuese të Botërorit jashtë fushe (41 fitore, 11 barazime).

“Nuk dua të lejoj që gjithçka të shembet. Megjithatë, është zhgënjyese. Për mua, por edhe për të gjithë ne, shpresoj,” tha Nagelsman në sallën e madhe të shtypit, ku ishte shfaqur i tensionuar që një ditë para ndeshjes. Megjithatë, ai ndoshta nuk e kishte idenë se sa dramatikisht e dobët do të ishte paraqitja e Gjermanisë. Ishte një zhgënjim që ekipi gjerman shfaqi kundër një skuadre sllovake superiore në çdo aspekt. Në analizën e tij fillestare, Nagelsman identifikoi mungesën e emocioneve si arsyen kryesore për paraqitjen e dobët dhe iu bëri apel lojtarëve të tij: “Ne duhet të luajmë futboll emocional. Vetëm nëse arrijmë ta bëjmë këtë, mund të sjellim cilësi në fushë.”

Megjithatë, duhet pyetur sa cilësor është ende ky ekip në fundverën e vitit 2025. Pa të dëmtuarit Jamal Musiala, Kai Havertz, Ter Stegen dhe Niko Shloterbek, atyre u mungonte gjithçka që përcakton një skuadër të madhe. Asgjë nuk funksionoi, as në sulm dhe as në mbrojtje – dhe kjo nuk ishte vetëm për shkak të mungesës së emocioneve, edhe pse të gjithë nga kampi gjerman donin të jepnin atë përshtypje.

Nagelsman u përmbajt nga një reagim i menjëhershëm – edhe pse ishte disi i dukshëm duke parë natyrën e humbjes: ai mbeti i përkushtuar ndaj objektivit të tij për tu bërë kampion bote edhe pas atyre 90 minutave të frikshme në Bratislavë. “E di që sot nuk jam duke dalë mirë me këto fjalë; ne si grup nuk i kemi mbështetur vërtetë,” tha 38-vjeçari.

“Por do të ishte një shenjë fatale të themi tani se nuk duam më të bëhemi kampionë bote.” Megjithatë, është e qartë se skuadra e tij do të duhet të bëjë “gjithçka ndryshe” në të ardhmen nga ajo që tregoi atë të enjte të tmerrshme shtatori.