Tragjedia hekurudhore në Tempi/ Shpërthejnë protestat në sheshin e Athinës

Incidente të dhunshme shpërthyen sonte në qendër të Athinës pas një tubimi në Sheshin Syntagma, që shënoi përfundimin e hetimit për katastrofën hekurudhore në Tempi.

Sipas policisë, një grup individësh hodhën kokteje Molotov pranë Varrit të Ushtarit të Panjohur, duke bërë që policia të ndërhynte duke përdorur gaz lotsjellës dhe granata zhurmuese.

U bënë dy arrestime: një 20-vjeçar u gjet në posedim të pesë pajisjeve ndezëse, një maskë të plotë për fytyrën dhe doreza, dhe një 17-vjeçar që mbante një çekiç emergjence për autobus.

Më parë, para se të fillonte protesta kryesore, autoritetet kishin bërë 20 ndalime të përkohshme si pjesë e kontrolleve të vazhdueshme.