Skandaloze: Federata e Spanjës i referohet Kosovës si “Territori i Kosovës”

Kosova U21 do të përballet sonte me Spanjën U21 në ndeshjen e dytë të kualifikimeve për Kampionatin Evropian 2027. Takimi zhvillohet nga ora 19:00 në stadiumin “Fadil Vokrri” në Prishtinë.

Në Spanjë, kjo ndeshje po raportohet si duel në “territorin e Kosovës”, pasi Spanja nuk e njeh Kosovën si shtet.

Përveç Kosovës dhe Spanjës, në Grupin A bëjnë pjesë edhe Finlanda, Rumania, San Marino dhe Qipro, gjë që e bën garën për kualifikim të fortë dhe të pasigurt deri në fund.

Dardanët U21 shpresojnë të marrin mbështetje të madhe nga tifozët në “Fadil Vokrri”, në përpjekje për të befasuar një prej skuadrave më të fuqishme të futbollit evropian të kësaj moshe.