Klubi arrin akordin me Premier Ligën, mbyll çështjen gjyqësore

Mançester Siti dhe Premier Liga kanë arritur një zgjidhje ekstra-juridike, në lidhje me procedurat e arbitrazhit të iniciuara nga klubi në fillim të këtij viti mbi rregullat e transaksionit të palëve të lidhura (APT) të klubit.

Si rezultat, procedurat kanë përfunduar.

Në një deklaratë zyrtare, klubi nga “Etihad” deklaroi: “Kjo marrëveshje i jep fund mosmarrëveshjes midis palëve në lidhje me rregullat e APT.

Si pjesë e marrëveshjes, Mançester Siti pranon që rregullat aktuale të APT janë të vlefshme dhe të detyrueshme. Është rënë dakord që as Premier Liga dhe as klubi nuk do të komentojnë më tej për këtë çështje”. Mosmarrëveshjet fillimisht kishin lindur për shkak të një marrëveshjeje të ngecur sponsorizimi, me sponsorin e stadiumit dhe fanellës, “Etihad Airëays”, të cilën Premier e konsideroi jo në përputhje me vlerën e drejtë të tregut.

Pasi një gjykatë e shkallës së parë vendosi në favor të ekipit të Pep Guardiolës, Premier Liga zgjodhi të ndryshonte rregullin në vend që ta shfuqizonte atë tërësisht. Siti më pas ngriti një padi të dytë, me një seancë të re gjyqësore që ishte e planifikuar në tetor. Megjithatë,

kjo seancë nuk do të jetë më e nevojshme pas marrëveshjes së arritur midis klubit dhe Premier Ligës.