Mahnit ende me formën e tij fizike në moshën 51-vjeçare

Ish-mesfushori brazilian Zé Roberto, i cili ka veshur fanellën e Real Madridit gjatë viteve 1996–1998 dhe ka luajtur për disa nga klubet më të njohura në botë, si dhe për kombëtaren e Brazilit, vazhdon të jetë një figurë shumë e ndjekur edhe sot, falë formës së tij mbresëlënëse fizike.

Në rrjetet sociale, ku ndiqet nga mbi 3.1 milionë fansa, Zé Roberto publikon rregullisht foto të trupit të tij të tonifikuar, të cilat shpesh kthehen në materiale virale. Me muskujt e skalitur dhe stilin e jetës aktive që ndjek, ai është bërë shembull frymëzimi për shumë sportdashës dhe ndjekës të palestrës.

Sot, në rolin e trajnerit personal, braziliani vazhdon të promovojë një jetë të shëndetshme dhe disiplinë të fortë, duke treguar se mosha është vetëm një numër.

Për shumë njerëz, ai është dëshmi e gjallë se pasioni për sportin dhe kujdesi ndaj trupit mund të japin rezultate të jashtëzakonshme edhe shumë vite pas përfundimit të karrierës profesionale në futboll.