‘Rusia u përpoq të na testonte pa filluar luftën”, ministri polak: Me një agresor dhe një gënjeshtar si Putini, vetëm kundër-presionet më të ashpra funksionojnë

Ministri i Jashtëm i Polonisë, Radosław Sikorski, ka konfirmuar se dronët që hynë në territorin polak javën e kaluar ishin të aftë për të mbajtur municione, por nuk ishin të ngarkuar me eksplozivë.

Në një intervistë për The Guardian, dhënë nga Kievi, Sikorski u shpreh:

“Interesante është se të gjitha ishin gjëra pa vlerë, gjë që më sugjeron se Rusia u përpoq të na testonte pa filluar një luftë.”

Ai hodhi poshtë kritikat se mbrojtja ajrore polake ishte e papërgatitur për inkursionin, duke theksuar se, ndonëse vetëm 3 ose 4 nga rreth 19 dronët u rrëzuan, ato nuk arritën objektivat dhe shkaktuan vetëm dëme të vogla materiale, pa asnjë të lënduar.

“Nëse kjo do të kishte ndodhur në Ukrainë, sipas përkufizimeve ukrainase, do të konsiderohej si një sukses 100%,” tha ministri.

Sikorski theksoi se nëse sulmi do të kishte shkaktuar viktima, përgjigjja polake do të kishte qenë “shumë më e ashpër”, por nuk dha detaje se çfarë do të përfshinte një reagim i tillë në të ardhmen.

“Me një agresor dhe një gënjeshtar si Putini, vetëm kundërpresionet më të ashpra funksionojnë,” deklaroi ai.