Bellingham, në kërkim të ‘gjurmës’ së parë me Dortmundin!

Këpucët që duhet të mbushen janë gji gante, ashtu si edhe shuma e transferimit të paguar këtë verë: Blerja e re Xhob Belingham ende nuk e ka lënë gjurmën e tij në lojën e Borusia Dortmund.

Sipas një ish-ylli të BVB-së, me 19- vjeçarin do të duhet durim. Andreas Mëler beson se i sapoardhuri i BVB-së, Xhob Belingham, do të përjetojë një “zhvillim të ngjashëm” me atë të vëllait të tij Xhud te Verdhezinjtë, tha 58-vjeçari në një intervistë për “kicker”. Anglezi i ri mund të bëhet “një lojtar shumë i vlefshëm për Borusia”. Parakushti për këtë, shtoi ai, është që të riut t’i jepet koha e nevojshme.

Xhud Belingham, tashmë një yll i mesfushës te Real Madrid, ishte “një talent i jashtëzakonshëm” që “u rrit” në Dortmund, theksoi Mëler: “Nuk mund ta gjykoj ende vëllain e tij, por besoj se edhe ai ka nevojë dhe duhet t’i jepet një periudhë përshtatjeje.” Mesfushori 19-vjeçar u transferua nga klubi i kategorisë së dytë angleze Sanderlend te BVB këtë verë për 30,5 milionë euro, ku nënshkroi një kontratë pesëvjeçare.

Ai ka luajtur tashmë për Dortmund në Kupën e Botës për Klube dhe pati dy kontribute të drejtpërdrejta në gola (një gol, një asist) në turneun në SHBA. Megjithatë, Xhob Belingham ende nuk është dalluar në sezonin e ri të Bundesligës, pasi ka bërë tre paraqitje deri tani. Ai ishte titullar në dy javët e para nën drejtimin e trajnerit Niko Kovaç, ndërsa në fitoren e fundit hyri si zëvendësues.

Ashtu si vëllai i tij më i madh, Belingham është lojtar i gjithanshëm në mesfushë dhe është përdorur në pozicionet gjashtë, tetë dhe dhjetë. Andreas Mëler, ndërkohë, e sheh Julian Brandt si përgjegjës për momentet kreative në skuadër. 29-vjeçari është “jashtëzakonisht i gjithanshëm,” sipas ish-fituesit të Ligës së Kampionëve më 1997: “Do të ishte bukur sikur ai të kthehej në forcën e tij të vjetër.

Kur Julian Brandt është në formën më të mirë, kjo e çon shumë përpara Borusia Dortmund.” Mëler, i cili fitoi Ligën e Kampionëve me BVB në vitin 1997, e sheh trajnerin e Dortmundit, Niko Kovaç, në një pozicion kyç.

Ekipi është “i ndërtuar mirë” dhe ka “potencial,”: “Si ish-lojtar, Niko Kovaç e di se ku t’i vendosë levat për të bashkuar ekipin dhe për të krijuar ndjenjën e bashkimit".