Shqiptari feston me Shqiponjë dykrenare në Poloni

Julian Shehu ka tundur rrjetën në Poloni. Mesfushori i Kombëtares riktheu baraspeshën në takimin që Uidzeu Lodz po luan në transfertën e Gornik Zabrze.

Ishte minuta e 27-të, kur Shehu dërgoi topin në rrjetë.

Mesfushori shqiptar shfrytëzoi si duhet krosimin në zonë dhe kërceu mbi të gjithë për të gjuajtur me kokë.

Sfida është e vlefshme për javën e nëntë të kampionatit polak.

Deri tani ka shënuar tri gola, ndërsa ka asistuar edhe tri të tjerë. Festa me shqiponjë nuk mungoi, menjëherë pasi topi përshëndeti rrjetën.