Gary Neville ka një favorit të madh për titullin në Angli

Ish-mbrojtësi i Manchester United, Gary Neville, ka deklaruar se Liverpool është “favoriti i madh” për të fituar Ligën Premier këtë sezon.

Liverpool e ka nisur kampionatin me pesë fitore radhazi, ndonëse sipas Neville, ekipi ende nuk ka treguar futbollin e tij më të mirë.

“Ndonjëherë ata janë të varur pas një fije. Ata kanë shënuar disa gola në fund, dhe kjo duket e keqe duke pasur parasysh se nuk e kanë luajtur ende futbollin e tyre më të mirë. Mendoj se është e keqe duke pasur parasysh se ata as nuk janë vendosur për formacionin e tyre më të fortë".

Neville tha se dy futbollistët më të shtrenjtë, Florian Wirtz dhe Alaexander Isak ende nuk kanë luajtur së bashku dhe momentin që edhe ata do të luajnë së bashku atëherë Liverpooli do të jetë edhe më i frikshëm.

“Lojtarët e rinj, Wirtz dhe Isak, të cilët u kushtuan atyre 250 milionë funte, as nuk kanë luajtur së bashku ende dhe as nuk kanë treguar formën e tyre më të mirë. Ata besojnë tek ata dhe kanë një trajner që di si të kalojë në një nivel më të lartë në një ndeshje kur ata duhet të shënojnë dhe të fitojnë".

“Ata me të vërtetë, me të vërtetë kanë një ekip të mirë. Për momentin, janë pesë pikë përpara dhe është ende shumë herët për t’ia dhënë titullin Liverpoolit, por janë favoritë të mëdhenj falë përvojës dhe besimit të tyre se mund të fitojnë çdo ndeshje dhe të sfidojnë çdo kundërshtar”, tha Neville.

“Në këtë pjesë të parë, ata kanë pasur edhe disa ndeshje të vështira”, tha Neville për Sky Sports.