Parashikimi profetik i Xavi Hernandezit mbi suksesin e Dembelesë

Para se Ousmane Dembélé të shpallej fitues i Topit it të Artë 2025, ish-trajneri Barcelonës, Xavi Hernández, kishte bërë një parashikim profetik për potencialin e francezit.

Hansi Flick, i cili ka marrë drejtimin e skuadrës katalanase, ka shijuar frytet e punës së mëparshme të Xavit, duke ruajtur lojtarë të rinj si Lamine, Cubarsí e Fermín, dhe duke konsoliduar të tjerë si Gavi dhe Balde. Por mes të gjithë tyre, Dembélé ka qenë gjithmonë një lojtar i veçantë për Xavi-n.

Që në momentin e parë kur Xavi mori drejtimin pas Koeman-it, ai nuk e fshehu admirimin për Dembélé-në: “Për mua, Dembélé mund të bëhet lojtari më i mirë në botë në pozicionin e tij. Por duhet punë me të dhe të kërkosh maksimumin. Varet nga ai: mentaliteti, shmangia e lëndimeve dhe performanca. Rinovimi i tij është prioritet,” kishte theksuar Xavi gjatë prezantimit të tij.

Në periudhën me Xavin, Dembélé përmirësoi lojën dhe u bë një element kyç në skemat e tij: “Njerëzit nuk e njohin Ousmane. Ai është shumë inteligjent, shumë më shumë sesa mendojnë.

Është lojtar diferencial, ka aftësi të pabesueshme. Sigurisht, herë-herë është ‘koka ose monedha’ dhe duhet të përmirësojë vendimet, por po shohim versionin e tij më të mirë në këto gjashtë vite,” shtoi trajneri spanjoll.

Xavi gjithashtu theksonte: “Imagjinoni kur do të fillojë të shënojë më shumë gola dhe të japë më shumë asistime.”

Edhe pse bashkimi i tyre përfundoi në verën e 2023, me transferimin e Dembélé-së te PSG, parashikimi i Xavit për potencialin e francezit u realizua plotësisht, duke e shpallur atë fitues të një prej çmimeve më të mëdha individuale në futboll.