Pas humbjes nga Milani, mesfushori shqiptar: Po shpresoja për një devijim që të shënoja

Milani ka vazhduar serinë e fitoreve edhe në Kupën e Italisë.

Kuqezinjtë kanë mposhtur Leccen me shifrat 3:0, duke u kualifikuar mes 16 më të mirave të këtij kompeticioni.

Me shiritin e kapitenit në krahë në këtë përballje ishte edhe Medon Berisha, i cili ka folur për mediat pas përfundimit të lojës

“Mund të kishim bërë më shumë në 10 minutat e para, por pas kartonit të kuq, loja u bë edhe më e vështirë.

Sigurisht, gjithmonë mund të bësh më shumë.

Keqardhje për goditjen e dënimit? U përpoqa.

Shpresoja për një devijim, por nuk e godita shumë mirë”, ka deklaruar Medon Berisha.