Copa të reja të dronit zbulohen në Rumani, në afërsi të kufirit me Ukrainën

Ministri rumun i Mbrojtjes, Ionut Mosteanu, ka bërë të ditur sot se copëza të reja të dronit janë gjetur në lindje të Rumanisë, përkatësisht në Tulcea pranë kufirit me Ukrainën.

Ekspertët nga ministria e Mbrojtjes janë duke mbledhur këto copa për të vazhduar me hetimet.

Rumania është bërë një prej “pikave më të nxehta”, sa i përket shkeljes së hapësirës së tyre ajrore nga fluturaket ruse gjatë javëve të fundit.

Madje ky vend ka ngritur në ajër aeroplanët dy javë më parë, kur një dron u fut në hapësirën ajrore të Rumanisë i cili kishte vazhduar rrugëtimin drejt Ukrainës.

Shkelje të ngjashme janë raportuar edhe në Poloni e Estoni, ku NATO ngriti aeroplanët luftarakë për të mbrojtur krahun lindor.