Real Madridi “ngel thatë”, francezi rinovon me skuadrën e tij

Arsenali i ka rinovuar kontratën deri në vitin 2030, mbrojtësit Uilliam Saliba. Në orët e fundit, disa thashetheme kishin qarkulluar në lidhje me lojtarin dhe klubin anglez për “vazhdimin e martesës”, por të gjitha dokumentet përkatëse u firmosën në orët e fundit.

“Topçinjtë” i kanë dhënë fund kështu thashethemeve se Real Madridi mund të jetë duke u përpjekur të rrëmbejë qendërmbrojtësin e talentuar francez, i cili, përpara se të binte dakord për një marrëveshje të re, kishte një kontratë të vlefshme deri në verën e vitit 2027.

“Jam krenar për veten sepse nënshkrova në vitin 2019, tani është viti 2025. Jam vërtet i lumtur. 

Ndihem si në shtëpi, kemi një ekip dhe staf të mirë. Trajneri është perfekt për mua, kështu që mendoj se është vendi më i mirë për të qenë. E shijoj çdo ditë kur kam mundësinë ta vesh këtë fanellë.

Mundohem të jap gjithçka, dhe tani do t’i jap edhe më shumë këtij klubi dhe tifozëve.”

Ai tani krenohet me 150 paraqitje për anglezët: “Kur nënshkruan, sigurisht që ëndërron të luash sa më shumë ndeshje të jetë e mundur, por kjo vjen shpejt. Para se të nënshkruaja, nuk e dija se do të luaja kaq shumë ndeshje si këto”, tha Saliba.