Vlerësimet e lojtarëve të Interit në Champions

Inter ka shfaqur një performancë bindëse ndaj Slavias së Pragës, duke fituar me rezultat të qartë dhe duke treguar forcën e ekipit në çdo zonë të fushës.

Portieri Zomer menaxhoi aksionet e zakonshme të kundërshtarit, pa nevojë për ndërhyrje dramatike.

Në mbrojtje, Açerbi ishte i pakalueshëm.

Ai kontribuoi edhe në sulm, duke filluar aksionin e golit të dytë me një pasim të saktë për Turam. Bastoni ndihmoi gjithashtu në golin e tretë të Lautaros dhe mbrojti me siguri.

Bisek dhe Dumfris luajtën një rol më të zakonshëm, me Dumfris që shënoi golin e dytë pas asistimit të Turam. Darmian hyri për të lehtësuar Dumfris, duke ofruar përvojë pa ndikim të madh në rezultat.

Mesfusha u dominua nga Çalhanoglu, i cili kontrolloi lojën, asistoi dhe organizoi aksionet. Suçiç dhe Zielinski nuk arritën të kontribuonin si zakonisht, ndërsa Barela solli stabilitet në pjesën e fundit.

Nga krahët, Dimarko nuk ishte në formën më të mirë, duke bërë pasime të pasakta dhe duke u përqendruar kryesisht në mbrojtje. Megjithatë, ekipi ruajti rrezikshmërinë dhe vazhdoi të krijonte mundësi për gol.