Gasperini i shokuar: Nuk kam parë kurrë tre penallti të humbura në një ndeshje

Gian Piero Gasperini, i cituar nga “Corriere dello Sport”, tha se nuk kishte parë kurrë tre penallti të humbura në një ndeshje si kjo, në një situatë kaq unike me dy penallti të akorduara.

Roma humbi 1-0 ndaj Lille në Europa League, dhe trajneri Gasperini tha se donte që lojtarët e tij të bënin shumë më pak gabime.

“Nuk kam parë kurrë tre penallti të humbura në një ndeshje.

Ishte një situatë pothuajse unike dhe e rastësishme që në fund të fundit kompromentoi rezultatin”, tha Gasperini.

Italiani foli edhe për performancën e Romës në ndeshje dhe deklaroi qartë se skuadra e tij luajti mirë.

“Ne ishim shumë prapa në fillim dhe i vendosëm ata në pozicionin më të mirë për të luajtur në kundërsulm.

Në fund, megjithatë, pavarësisht disa gabimeve teknike, Roma luajti me dëshirë dhe ritëm të madh, duke ndjekur barazimin deri në fund. Fatkeqësisht, nuk ishim të fortë në shfrytëzimin e rasteve tona.

Megjithatë, mendoj se do të dalim nga kjo ndeshje pak më të fortë”, vazhdoi ai.