8 të lënduar nga shpërthimi në një varkë turistike në Spanjë

Tetë persona janë lënduar, tre prej tyre rëndë, si pasojë e një shpërthimi në një varkë turistike në vendpushimin Fuengirola në Costa del Sol të Spanjës.

Incidenti ndodhi ndërsa varka motorike, e përshkruar në nivel lokal si një varkë turistike, po largohej nga marina në qytetin spanjoll, raporton KosovaPress.

Pamjet nga vendi i ngjarjes treguan zjarrfikësit në marinë duke shuar flakët me tuba uji.

Alarmi u dha rreth orës 12:20 të pasdites së sotme me disa dëshmitarë që telefonuan shërbimet e emergjencës ndërsa një re e zezë tymi u ngrit në ajër.

Bashkia e Fuengirolas tha në një deklaratë se shkaqet e shpërthimit janë ende të paqarta.

"Gjithsej tetë persona ishin në bord. Të gjithë u plagosën, tre prej tyre rëndë, dhe u vendosën nën kujdesin e ndihmësve mjekësorë të urgjencës. Si pasojë e shpërthimit, anija u fundos dhe zyrtarët nga Agjencia Portale e Andaluzisë po e monitorojnë nga afër situatën për të vlerësuar nevojën për masa kundër derdhjes.”