I pakënaqur

Te Borusia Dortmundi, afrimi i ri Xhob Belingham po merr pak minuta loje. A mund të largohet i riu nga BVB këtë verë?

Sipas raportimeve të “Skaj Sport”, nuk është e pamundur që Xhob Belingham të largohet nga klubi gjerman i Bundesligës që në dimër.

Thuhet se lojtari dhe rrethi i tij janë të pakënaqur me minutat që ai po merr në fushë.

Po shtohen shqetësimet, raportohet. Nëse situata nuk përmirësohet në javët e ardhshme, një largim është mjaft i mundshëm. Belingham iu bashkua Borusia Dortmundit vetëm këtë verë nga Sanderlend.

Verdhezinjtë shpenzuan 30.5 milionë euro për këtë transferim. Por nën drejtimin e trajnerit Niko Kovaç, Belingham nuk po merr mundësinë që kishte shpresuar.

20-vjeçari është aktivizuar titullar vetëm dy herë në Bundesligë dhe nuk ka luajtur asnjë ndeshje të plotë 90-minutëshe. Kjo situatë thuhet se ka çuar në një përplasje midis të atit dhe agjentit të tij, Mark Belingham, me drejtuesit e BVB-së që në gusht.

Drejtori sportiv i Dortmundit, Sebastian Kehl, së fundmi komentoi situatën e mesfushorit të përfaqësueses U21 të Anglisë: “Është e qartë që Xhob mund të dojë të luajë më shumë. Kjo është normale – ai është ambicioz, lufton dhe stërvitet fort,” vlerësoi Kehl. Drejtori sportiv i skuadrës së Dortmundit shtoi gjithashtu: “

Por lojtarët që po luajnë aktualisht po bëjnë mirë. Është e vështirë për trajnerin të lërë jashtë një Marsel Sabitzer apo një Feliks Nmeça. Kjo është pjesë e realitetit. Por do të na duhet edhe Xhob për ndeshje të rëndësishme në të ardhmen.”

Edhe Kovaç së fundmi bëri thirrje për durim. Ai theksoi në një konferencë për shtyp se e njeh mirë cilësinë e Belinghamit dhe se Xhob është i ri dhe “i sapoardhur tek ne.” Është e rëndësishme ta kujtojmë këtë herë pas here, shtoi ai, “sepse mbiemri e bën situatën të perceptohet ndryshe për shumë njerëz.”