E pabesueshme: U ndërruan në lindje, takohen pas 35 vitesh

Dy gra austriake, të cilat ishin ngatërruar pas lindjes në një spital në qytetin Graz, më në fund janë takuar pas 35 vjetësh.

Doris Grünwald dhe Jessica Baumgartner u lindën në spitalin “LHK-Uniklinikum” në Graz në tetor të vitit 1990, raporton televizioni BBC, duke i cituar mediat austriake.

Të dyja foshnjat kishin lindje të parakohshme. Pak kohë pas lindjes, motrat ishin ndërruar gabimisht dhe u ishin thënë prindërve të një familjeje tjetër.

Më pas, në viin 2012, Grünwald mori vesh se nuk ishte e bija biologjike e prindërve të saj, Evelin dhe Josef, kur kishte dhuruar gjak dhe kishte kuptuar se grupin e gjakut nuk e kishte si të nënës.

Televizioni publik austriak ORF kishte raportuar për këtë rast që në vitin 2016, por atëherë familja tjetër nuk ishte gjetur.

Baumgartner u rrit jo fort larg nga Herbert dhe Monika Derler, sipas ORF-së. Ajo zbuloi se grupi i saj i gjakut nuk lidhje me atë të prindërve, kur ngeli shtatzënë, dhe një mjek e njoftoi për rastin e ndërrimit të foshnjave.

Jessica vuri kontakte me Dorisin përmes rrjetit “Facebook” dhe më pas u takuan. “Ishte një ndjenjë jashtëzakonisht e mirë” – tha ajo.

Menaxheri i operacioneve në spitalin “LHK-Uniklinikum”, Gebhard Falzberger, citohet të ketë thënë: “Neve na vjen thellësisht keq që ky gabim ishte bërë atë kohë.

Ai u kërkoi falje dy familjeve në emër të spitalit.