Conor McGregor pezullohet 18 muaj

Ish-kampioni i dyfishtë i botës në artet marciale mikse Conor McGregor, është pezulluar për 18 muaj pasi shkeli rregulloren antidoping të UFC. “Notorious” nuk dështoi në asnjë test droge të administruar nga antidopingu amerikan, ai thjesht nuk pranoi t’i kryente ato, gjë që bie në kundërshtim me rregulloren.

“McGregor humbi tre përpjekje për mbledhje mostrash biologjike brenda një periudhe 12-mujore në vitin 2024, gjë që përbën një shkelje të rregullores së antidopingut. 

Sportistët e UFC-së duhet të japin informacion të saktë mbi vendndodhjen në çdo kohë, në mënyrë që të mund të kontaktohen dhe të paraqiten për mbledhjen e mostrave biologjike pa paralajmërim paraprak”, thuhet në deklaratë.

“Testet e humbura të McGregor ndodhën më 13 qershor, 19 shtator dhe 20 shtator 2024 dhe secila u klasifikua si Dështime të Vendndodhjes nga antidopingu. McGregor bashkëpunoi plotësisht me hetimin dhe pranoi përgjegjësinë, duke ofruar informacion të detajuar që CSAD përcaktoi se kontribuoi në testet e humbura”, thuhej në deklaratë.

Më tej, ajo sqaron: “Duke marrë parasysh bashkëpunimin dhe rrethanat e McGregor, CSAD uli sanksionin standard 24-mujor për tre dështime të vendndodhjes me gjashtë muaj, duke e pezulluar sportistin për 18 muaj”. Pezullimi i irlandezit filloi më 20 shtator 2024 dhe përfundon më 20 mars 2026.

Kjo e vë në dyshim praninë e tij në eventin që do të zhvillohet në Shtëpisë së Bardhë në qershor 2026, duke supozuar se promovimi ende e dëshiron atë. McGregor nuk është i panjohur me probleme të tilla, por ka qenë një makth i vërtetë për departamentin e marrëdhënieve me publikun të UFC-së gjatë dy viteve të fundit. McGregor ende nuk ka komentuar për pezullimin e tij.