Foda sqaron pse Zhegrovën e la në bankë!

Selektori i Kosovës, Franco Foda, flet për barazimin ndaj Sllovenisë dhe sqaron pse Zhegrova nuk luajti nga fillimi

Kombëtarja e Kosovës ka luajtur baras me rezultat 0:0 në shtëpi ndaj Sllovenisë në kuadër të ciklit kualifikues për Kupën e Botës 2026.

Pas përfundimit të ndeshjes në konferencë për shtyp doli përzgjedhësi Franco Foda, i cili foli për ndeshjen si dhe për situatën e Edon Zhegrovës.

"Edoni është top lojtar, por nuk duhet të harrojmë që ai që nga janari nuk ka luajtur.

Edoni ka qenë i lodhur nga stërvitja e fundit dhe duhet ta trajtojmë me kujdes”, tha Foda.