Shqiptarët në New York festojnë fitoren ndaj Serbisë
- Bota Sot
Shqiptarët në New York festojnë fitoren ndaj Serbisë!
Fitorja historike e Kombëtares shqiptare ndaj Serbisë ka ndezur emocionet dhe krenarinë shqiptare jo vetëm në vend, por edhe në diasporë.
Në Arthur Avenue, Bronx, zemrën shqiptare të New York-ut qindra tifozë kuqezi u mblodhën për të ndjekur ndeshjen dhe shpërthyen në brohorima e këngë patriotike pas triumfit.
Me flamuj në duar, fanella të Kombëtares dhe zemra plot emocione, shqiptarët e Amerikës e kthyen rrugën në një arenë gëzimi e krenarie kombëtare, duke treguar se fitorja kuqezi bashkon zemrat kudo ku ndodhen shqiptarët.
