Qeveria britanike: Organizatat duhet të kenë plane për t’u mbrojtur nga hakimet

Qeveria britanike po këshillon organizatat të kenë kopje fizike të planeve të tyre për të përballuar sulme kibernetike, sipas BBC.

Së fundmi, hakimet ndaj kompanive si Marks and Spencer, The Co-op dhe Jaguar Land Rover shkaktuan ndërprerje të prodhimit dhe rafteve bosh, duke treguar kaosin që mund të shkaktojnë sulmet kur sistemet kompjuterike bien.

Richard Horne, drejtori ekzekutiv i Qendrës Kombëtare të Sigurisë Kibernetike (NCSC), thekson se kompanitë duhet të kenë plan se si do të funksionojnë pa teknologjinë informative dhe si ta rindërtojnë atë shpejt. Për këtë, rekomandohet strategjia e “inxhinierisë së qëndrueshmërisë”, e cila synon ndërtimin e sistemeve që parashikojnë, përthithin, rikuperojnë dhe përshtaten ndaj sulmeve. Planet duhet të ruhen në letër ose offline dhe të përfshijnë mënyra komunikimi pa email dhe zgjidhje të tjera analoge.

Ndërkohë, NCSC ka raportuar një rritje të sulmeve me ndikim të madh nga 429 incidente përgjithësisht të ngjashme me vitin e kaluar, 204 ishin me rëndësi kombëtare, krahasuar me 89 vitin e kaluar.

Shumica e sulmeve janë financiare, me banda kriminale që përdorin ransomware ose shantazh me të dhëna, por ka edhe rritje të bandave të hakerëve adoleshentë në Mbretërinë e Bashkuar.