Ushtria britanike nën sulm, hakerët rusë publikojnë dokumente të ndjeshme

Ministria britanike e Mbrojtjes po heton pretendimet se hakerët rusë kanë vjedhur qindra dokumente ushtarake të ndjeshme dhe i kanë publikuar në uebin e errët.

Dosjet përmbajnë detaje të tetë bazave të Forcave Ajrore Mbretërore dhe Marinës Mbretërore, si dhe emrat dhe adresat e email-it të stafit të Ministrisë së Mbrojtjes, raportoi Mail On Sunday.

Kriminelët kibernetikë kanë hyrë në memorien e skedarëve duke hakuar kompaninë e mirëmbajtjes dhe ndërtimit Dodd Group, shkruan gazeta britanike.

"Ne ndjekim një qasje të fuqishme dhe pro-aktive ndaj kërcënimeve kibernetike që mund të paraqesin rrezik për interesat kombëtare. Ne po hetojmë në mënyrë aktive pretendimet se informacioni që lidhet me Ministrinë e Mbrojtjes është publikuar në rrjetin e errët. Për të mbrojtur informacionin e ndjeshëm operativ, ne nuk do të komentojmë më tej mbi detajet", ", tha një zëdhënës i Ministrisë së Mbrojtjes.

Dokumentet thuhet se përmbajnë informacione mbi një numër bazash të ndjeshme të forcave ajrore dhe detare, përfshirë RAF Lakenheath në Suffolk, ku ndodhen avionët amerikanë F-35. Hakimi ndodhi pas një serie shkeljesh të të dhënave në Ministrinë e Mbrojtjes.

Informacioni personal i anëtarëve të ushtrisë dhe veteranëve, duke përfshirë emrat, të dhënat bankare dhe disa adresa, ishte në një sistem page që u aksesua gjatë një hakimi të madh të zbuluar vitin 2024. U prekën deri në 272 mijë ushtarë.

Po atë vit, qeveria krijoi fshehurazi një Rrugë Përgjigjeje në Afganistan për njerëzit në vend, të dhënat e të cilëve u publikuan "gabimisht" nga zyrtarët e mbrojtjes në shkurt 2022.