Vdes në moshën 58 - vjeçare ish futbollisti i Kosovës

Ka ndërruar jetë ish futbollisti Adil Ajazaj.

I ndjeri ka qenë një kohë futbollist i skuadrës me renome Liria e Prizreni.

Ikja e hershme e tij në botën tjetër, në moshën 58- vjeçare, ka tronditur jo vetëm futbollin prizrenas. 

“Me dhembje të thellë morëm lajmin për ndarjen nga jeta të Adil Ajazaj, ish-lojtar i FC Liria, i cili pas një sëmundjeje të rëndë u nda nga jeta në mërgim.

Adili ishte pjesë e gjeneratave të viteve ’80 të klubit tonë, ku si talent i ri iu bashkua ekipit të parë dhe la gjurmë me përkushtimin e tij për fanellën bardh e zi.

Në emër të FC Liria, shprehim ngushëllimet më të sinqerta familjes Ajazaj, miqve dhe të afërmve.

Qoftë i përjetshëm kujtimi për të”, shkruan në faqen e Lirisë.