Alonso ka vetëm një dyshim për formacionin ndaj Barcelonës

Xabi Alonso duket se nuk ka shumë dyshime për formacionin që do të hedhë në fushë përpara supersfidës kundër Barcelonës.

Trajneri i Real Madridit pritet të zbresë me një formacion, ku Bellingham, Tchouaméni dhe Arda Güler do të përbëjnë boshtin e mesfushës, ndërsa Vinícius Jr. dhe Kylian Mbappé do të udhëheqin sulmin.

I vetmi dyshim i madh mbetet në krahun e djathtë të sulmit. Mastantuono, talenti i ri që ka treguar shpërthime cilësie të lartë, alternon ende momente me faza pasigurie, e ndikuar edhe nga mosha dhe faza e përshtatjes.

Në garë për një vend titullari është edhe Brahim Díaz, i cili bëri një paraqitje të mirë kundër Juventusit dhe duket më i integruar në mekanizmat e skuadrës. Sipas mediave spanjolle, Alonso po vlerëson me kujdes nëse t’i japë besim energjisë së Mastantuonos apo përvojës dhe stabilitetit të Brahim Díazit.

Për pjesën tjetër të formacionit, Real Madrid duket gati dhe në formë të shkëlqyer për “El Clásico-n”, ndeshjen që mund të peshojë shumë në garën për titull.