“‘El Clasicon’ e fiton Reali 3-1”/ Tifozët blaugrana sulmojnë Figon: Ti portugez i ndyrë je një bir k…

Luis Figo, një nga figurat më të mëdha që ka veshur fanellat Barcelonaës dhe Realit si dhe ambasadori aktual i Betfair, ka guxuar të japë parashikimin e tij për “El Clasicon” e parë të sezonit në ligë, e cila zhvillohet këtë të diel në Santiago Bernabéu. Lojtari portugez është i bindur për një fitore të qartë për Real Madridin:

“Mendoj se Reali i Madridid do të fitojë 3-1. Ata luajnë në shtëpi dhe kjo gjithmonë luan një rol. Do të ishte gjithashtu një rezultat i bukur, me gola dhe spektakël” ka komentuar ai në kanalet zyrtare të Betfair. Sezonin e kaluar, Barça dominoi përballjet direkte. Katër “Clásico”, katër fitore. Blaugrana në Bernabéu (0- 4) ashtu dhe në Montjuïc (4- 3). Suksesi u përsërit në Superkupë (2-5) dhe fitoi përsëri në finalen e Kupës së Mbretit (3-2 pas kohës shtesë).

Një rekord i jashtëzakonshëm, 16 gola për Barçën dhe vetëm shtatë për Real Madridin. Por sipas mendimit të Figos, ky precedent duhet të shërbejë si një nxitje për lojtarët e Çabi Alonsos ” Nëse Madridi përqendrohet në atë që ndodhi vitin e kaluar, ata do ta përdorin atë si motivim. Çdo sezon fillon nga e para, me nënshkrime të reja dhe gola të ndryshëm.

Në një “Clásico”, nuk ka kurrë një favorit të qartë”, shpjegoi ai. Për fituesin e Topit të Artë të vitit 2000, gjendja e të dy ekipeve para ndeshjes nuk ka shumë rëndësi. “Është një ndeshje e veçantë, pavarësisht se si arrin. Ndoshta ekipi vendas ka pak më shumë favorizim, por kjo nuk garanton asgjë”. Përvoja e tij i lejon të flasë me perspektivë për të dy institucionet. “Zidane do të ishte përshtatur në mënyrë të përkryer te Barça”, reflektoi ai.

“Dhe nga ana tjetër, lojtarë si Pujol, Serxhi, apo edhe Guardiola do të kishin performuar mirë te Madridi. Ata janë futbollistë me talent dhe karakter të jashtëzakonshëm, të aftë të përshtaten në çdo mjedis. Lojtari portugez pohoi gjithashtu se transferimi i tij nga Barça te Real Madridi nuk krijoi armiqësi personale.

“Pati rivalitet, por gjithmonë brenda një ndjenje respekti. Nuk kishte kurrë ndonjë qëllim për të shkaktuar dëm”, theksoi ai. Nëse do të mund të zgjidhte një El Clasico ëndrrash, ai është i qartë: “Do të më kishte pëlqyer shumë të luaja në një finale të Ligës së Kampionëve midis Barçës dhe Madridit dhe natyrisht ta fitoja. Do të ishte ndeshja më e madhja e mundshme.”

Në karrierën e tij, ai luajti në 23 “El Clasico”, 13 si lojtar i Barçës dhe 10 si lojtar i Real Madridit me një rekord prej nëntë fitoresh, tetë barazimesh dhe gjashtë humbjesh. Ai shënoi katër gola, tre në Camp Nou dhe një në Bernabéu, të gjitha në shtëpi. Turma e Montjuic nuk e fal Figon, madje e urrren atë. “Ai portugez është bir kurve”. Figo kujtoi me nostalgji një rastësi të veçantë: “Luaja për të dyja ekipet në vitin e tyre të njëqindtë. Ende i kam ato fanella sepse ishin të bukura dhe përfaqësojnë kohë shumë të lumtura në jetën time”, përfundoi ambasadori i Betfair.