Capello kritikon Interin

Fabio Capello nuk i ka kursyer fjalët pas ndeshjes mes Napolit dhe Interit, duke analizuar me tone kritike paraqitjen e zikaltërve dhe mënyrën se si rrjedha e lojës ndryshoi.

“Napoli–Inter ishte një pasqyrim i këtij kampionati, ku gjithçka ndryshon shumë, shumë shpejt. Në fishkëllimën e fundit pata përshtypjen se situata kishte ndryshuar", shkroi Capello për La Gazzetta dello Sport.

“Napoli dukej si Interi që shihnim deri dje, një ekip kompakt, i vendosur dhe cinik që nuk kishte humbur asnjë ritëm që nga mesi i shtatorit; ndërsa Interi dukej si Napoli në gjunjë midis Torinos dhe Eindhovenit".

Ish-trajneri i famshëm italian e thumboi Interin duke theksuar se penalltia e dyshimtë nuk mund të përdoret si justifikim.

“Sepse nëse është e vërtetë që ekuilibri i ndeshjes u ndryshua nga një penallti inekzistente, ajo me të cilën De Bruyne theu barazimin, është po aq e vërtetë se kjo nuk është dhe nuk mund të jetë një alibi për Nerazzurrët.”

Capello pranoi se vetëm në disa momente Interi tregoi reagim të duhur.

“Përveç reagimit që çoi në goditjen e Bastonit në traversë dhe atë të Dumfries në shtyllë në fund të pjesës së parë, Interi ishte i panjohshëm”, u shpreh ai.

Më tej, Capello dha edhe “recetën” për rikthimin:

“Nerazzurrët kanë të gjitha mjetet për t’u rikthyer menjëherë në këmbë, për sa kohë që e kuptojnë se duhet të japin më shumë dhe se, pa unitetin e qëllimit që ka qenë forca lëvizëse e tyre deri më tani, ata nuk do të shkojnë shumë larg”.

Sipas tij, ndeshja përbënte një reklamë të mirë për futbollin italian.

“Kampionati na falënderon, sepse ndeshja ishte argëtuese — me gola, penallti, polemika dhe nerva në tension, por mbi të gjitha sepse Napoli dërgoi një mesazh të fortë për pjesën tjetër të sezonit: kjo betejë për Scudetton është më e hapur dhe më bindëse se kurrë, dhe do të jetë një spektakël për t’u ndjekur”, tha Capello.