Operohet Carvajal

Kapiteni i Realit të Madridit, Dani Carvajal, i është nënshtruar një ndërhyrjeje kirurgjikale në gjurin e djathtë dhe do të mungojë për të paktën disa muaj. Dëmtimi ndodhi gjatë fitores së “El Classicos” ndaj Barcelonës.

Carvajal kishte pësuar më parë një dëmtim që e mbajti larg fushave më 9 tetor 2024, kundër Villarrealit. Mbrojtësi qëndroi pushim për nëntë muaj pasi pësoi një këputje të ligamentit të kryqëzuar anterior.

Carvajal rrezikon të humbasë vendin e tij në ekipin kombëtar të Spanjës për Kupën e Botës të vitit të ardhshëm.

“Kapiteni ynë Dani Carvajal i është nënshtruar me sukses një ndërhyrjeje kirurgjikale artroskopike në gjurin e djathtë. Operacioni u krye nga Dr. Manuel Leyes nën mbikëqyrjen e shërbimeve mjekësore të Real Madridit. Carvajal do të fillojë rikuperimin e tij në ditët në vijim”, shkroi Real Madridi në një deklaratë.