Trajnerët e ekipeve kombëtare përzgjedhin formacionin dhe trajnerin më të mirë të javës së 9-të

Pas përfundimit të javës së 9-të të kampionatit “Abissnet Superiore”, trajnerët e ekipeve Kombëtare të moshave kanë përzgjedhur formacionin dhe trajnerin më të mirë të javës.

Sipas skemës 1-3-4-2-1, në portë është gardiani i Egnatias, Mario Dajsinani.

Herald Marku (Flamurtari), Bruno Dita (Dinamo City) dhe Bruno Lulaj (AF Elbasani) përbëjnë repartin e prapavijës.

Në mesfushë janë: Lorenc Trashi (Flamurtari), Higor Vidal (Teuta), Fernando Medeiros (Egnatia) dhe Mohamed Sanogo (Bylis).

Alessandro Albanese (Egnatia) dhe Dejvi Bregu (Dinamo City) mbështesin sulmuesin e AF Elbasanit, Blaise Tsague, në majën e sulmit.

Trajneri më i mirë është përzgjedhur Francesco Moriero i Flamurtarit. Vlonjatët arritën fitoren e parë në kampionat dhe ky triumf erdhi ndaj kryesuesve të Vllaznisë.