Formacioni dhe zgjedhjet e mundshme të Spalletti-t, po Zhegrova?

Luciano Spalletti sjell stabilitet te Juventusi në një periudhë të vështirë për klubin bardhezi.

Pas eksperiencave te Roma, Interi dhe Napoli, me të cilin fitoi titullin dy vjet më parë, Juventusi përbën sfidën e katërt të madhe për trajnerin nga Certaldo.

Qëllimi kryesor është të rikthejë ekipin në zonën e play-off-eve të Champions League dhe të sigurojë kualifikimin për edicionin e ardhshëm të këtij kompeticioni.

Spalletti pritet të përdorë një formacion 4-2-3-1, për të nxjerrë në pah aftësitë e lojtarëve individualë.

Risi e madhe është rikthimi te mbrojtja me katër lojtarë, dhe jo më me tre, siç e përdori Igor Tudor.

Mbrojtës i djathtë pritet të jetë Joao Mario, ndërsa në të majtë Cambiaso; dy qendërsulmuesit do të jenë Kalulu dhe Gatti. Ky i fundit rikthehet në një rol që e ka luajtur shpesh te Milani, veçanërisht gjatë sezonit kur fitoi ‘Scudetto’-n.

Në mesfushë, vendet duket se do t’u besohen Thuram-it dhe Locatelli-t, ku ky i fundit do të ketë edhe një rol dytësor, duke marrë parasysh raportet jo gjithmonë të shkëlqyera me trajnerin e kombëtares italiane.

Katër lojtarët e tjerë të formacionit e bëjnë skemën shumë sulmuese:

Yildiz do të veprojë nga e majta, ndërsa nga krahu tjetër Conceiçao do të jetë kyç për duelët një-për-një.

Pas sulmuesit qendror, Spalletti mund të vendosë David, duke lënë rolin e sulmuesit të pastër për Openda-n ose Vlahovic-n. Ky vendim pritet të jetë më i komplikuari, për shkak të shqetësimeve të zakonshme të merkatos mbi Vlahovic.

Ky formacion synon të rikthejë Juventusin te sulmi modern dhe fleksibil, duke përfituar maksimalisht nga lojtarët kyç.