Mediumi italian me formacionin e mundshëm, ka vend a jo për Edon Zhegrovën te Juventusi

Luciano Spalletti do të drejtojë ndeshjen e tij të parë si trajner i Juventusit të shtunën, mirëpo debutimi i tij nuk do të jetë aspak i lehtë, pasi Kenan Yildiz dhe Lloyd Kelly janë lënë jashtë nga skuadra për shkak lëndimesh.

Juventusi do të udhëtojë drejt Kremonës për t’u përballur me skuadrën e Davide Nicolas në ndeshjen e Serie A që zhvillohet të shtunën në orën 20:45.

Kjo do të jetë ndeshja e parë e Spallettit në pankinën bardhezi pas emërimit të tij të enjten mbrëma në vend të Igor Tudor.

Deri më tani, trajneri italian ka zhvilluar vetëm një seancë stërvitore me skuadrën dhe, për këtë arsye, nuk pritet të bëjë ndryshime të mëdha në formacionin apo sistemin e lojës që ka përdorur ekipi në javët e fundit.

Në konferencën e parë për shtyp të premten, Spalletti deklaroi se në të ardhmen synon të kalojë në një mbrojtje me katër lojtarë, por për ndeshjen e së shtunës pritet të mbetet me sistemin 3-mbrojtës, edhe pse i ka në dispozicion vetëm tre qendërmbrojtës të parë, pasi Kelly dhe Bremer janë të dëmtuar.

Kjo nënkupton se Pierre Kalulu, Federico Gatti dhe Daniele Rugani do të jenë titullarë të sigurt, ndërsa mbrojtësit e skuadrës Next Gen, Pedro Felipe dhe Filippo Scaglia, janë thirrur për të plotësuar bankinën.

Në repartin ofensiv do të ketë një ndryshim të detyruar, pasi Yildiz është lënë jashtë skuadrës. Francisco Conceicao pritet të rikthehet në formacionin bazë dhe të luajë përkrah Lois Opendas në krahët e sulmit, me Dushan Vllahoviq që do të udhëheqë ofensivën në qendër.

Në mesfushë, Khephren Thuram është rikthyer në skuadër pas mungesës në ndeshjen ndaj Udineses të mërkurën. Ende mbetet për t’u parë nëse ai do të jetë menjëherë titullar, pasi në dispozicion janë edhe Teun Koopmeiners, Manuel Locatelli dhe Weston McKennie.

Sipas “Football Italia”, ky mund të jetë formacioni që Spalletti pritet ta përdorë për ndeshjen e nesërme.
Mediumi italian me formacionin e mundshëm, ka vend a jo për Edon Zhegrovën te Juventusi!

Formacioni i mundshëm (3-4-2-1):
Di Gregorio; Kalulu, Gatti, Rugani; McKennie, Koopmeiners, Thuram/Locatelli, Cambiaso; Conceicao, Openda; Vlahoviq.