“T’ishe kanë mashkull, t’kisha rrokë boks”-një grua publikon pamje teksa pretendon se vëllai i Robert Berishës, Patrisi, e kërcënon në trafik me gabim të vet

Një grua ka publikuar një video në rrjetin social TikTok. Në të shihet se ajo është duke vozitur një veturë, ndërsa nga shiriti tjetër i trafikut vjen një motoçikletë, që sipas saj, po e voziste figura e njohur e showbizit, Patris Berisha.

Pasi motoçikleta, duke bërë tejkalim, i del përpara veturës që publikuesja e videos po voziste, dyshja fillojnë të fjalosen pasi ajo del nga vetura.

Edhe pse fytyra e burrit që përdorte fjalë aspak të hijshme nuk shihet qartë, mes tjerash ai dëgjohet duke thënë: "T`ishe kanë mashkull, t’kisha rrokë boks".

Kujtojmë se Patrisi është vëllai i këngëtarit, Robert Berisha.