Barcelona po kalon një periudhë të vështirë
- Bota Sot
Barcelona po kalon një periudhë të vështirë në fillim të këtij sezoni me lëndime.
Javë më parë, Hans Flik konfirmoi se po analizonin arsyet për kaq shumë probleme shëndetësore, disa prej të cilave shumë serioze.Por duket se nuk e kanë gjetur çelësin ose një mënyrë për t’i ndaluar ato.
Të mërkurën, një tjetër lojtar iu shtua listës së mungesave, Pedri, duke e çuar totalin në 15 lojtarë që kanë vuajtur nga probleme fizike gjatë sezonit! Në fakt, vetëm tetë lojtarë të Barcelonës i kanë shpëtuar lëndimeve: Shezni, Araujo, Gerard Martín, Kubarsí, Erik García, Kasadó, Rashford dhe Roni. Kjo do të thotë se 65 përqind e skuadrës ka qenë në listën e lëndimeve ose ka qenë jashtë fushave në një moment të caktuar.
Nga portierët, vetëm Shezni është aktualisht i padëmtuar. Ter Stegen ka qenë jashtë fushave për një periudhë të gjatë që nga korriku, ndërsa Joan García pësoi një dëmtim në ndeshjen kundër Oviedo në fund të shtatorit dhe nuk do të kthehet deri pas pushimit ndërkombëtar. Araujo, Gerard Martín, Kubarsí dhe Erik García nuk janë shfaqur në asnjë raport lëndimesh. Ata përfaqësojnë gjysmën e lojtarëve që nuk janë lënduar këtë sezon. Ndërkohë Kristensen dhe Balde kanë qenë (ose janë) të padisponueshëm në vijën e mbrojtjes. Nga ana tjetër Kounde, i trembi të gjithë javën e kaluar kur nuk mundi të stërvitej në ditët para ndeshjes kundër Real Madridit për shkak të shqetësimit.
Në mesfushë, vetëm Kasadó i ka shpëtuar një dëmtimi. De Jong u rikthye nga ndeshjet ndërkombëtare me Holandën në shtator me një dëmtim të lehtë në muskulin obturator externus në këmbën e djathtë dhe Pedri është lojtari i fundit i Barçës që i bashkohet kësaj liste.
Ndërkohë, Gavi është një nga më të prekurit. Mesfushori do të jetë jashtë për katër deri në pesë muaj. Mark Bernal e filloi sezonin duke u rikuperuar nga operacioni që iu bë sezonin e kaluar.
Pa dyshim, portieri dhe sulmi janë dy pozicionet me më shumë lëndime dhe, rrjedhimisht, mungesa. Rashford dhe Roni janë të vetmit lojtarë sulmues të Barcelonës që nuk kanë qenë jashtë fushave. me nokaut. Një dhimbje koke e vërtetë për Hansi Flik.
