N’Golo Kante drejt rikthimit të bujshëm në Europë

Një nga surprizat e mëdha të merkatos së janarit mund të jetë rikthimi i N’golo Kante në Europë. Për mesfushorin francez, i cili dëshiron të jetë në formën opitmale, para Kupës së Botës, e kërkon Paris FC.

Klubi i dytë i Parisit, që po ashtu luan në Ligue 1, e sheh Kante-n si një përforcim ideal për të arritur objektivin e tyre kryesor për këtë sezon, që është qëndrimi në elitë.

Sipas mediave franceze, bisedimet kanë nisur dhe mesfushori është i gatshëm për rikthimin në Ligue 1. Marrëveshja nuk është finalizuar ende, por interesi nga të dy palët është konkret dhe i qartë.

Para se të transferohej tek Al-Ittihad, Kante spikati te Leicester dhe më pas erdhi hapi i madh në karrierë, transferimi te Chelsea. Pas dy sezonesh në Arabinë Saudite, 34-vjeçari është gati të rikthehet në elitë.