Grabitën në mes të ditës muzeun e Louvre, prokuroria e Parisit: Janë amatorë, por bizhuteritë e vjedhura nuk i kemi gjetur

Disa ditë më parë, muzeu historik i Louvre në Paris u grabit nga një grup personash, të cilët arritën të merrnin disa nga koleksioni i bizhuterive të familjes mbretërore Bonaparti. Në një deklaratë zyrtare, pas 4 personave të arrestuar si përgjegjësit, prokuroria vendase ka thënë se vjedhja është kryer nga amatorë, mes të përfshirëve dhedy fëmijë.

Rreth dy javë më parë, grabitësit parkuan një kamion të vjedhur pranë muzeut më të vizituar në botë, përdorën një ashensor mobil të mobilieve për të arritur në katin e parë dhe thyen derën e një prej sallave më të zbukuruara. Më pak se shtatë minuta më vonë, ata u larguan me scooter duke marrë me vete stoli të kurorës të vlerësuar rreth €88 milionë, midis tyre një varëse perlash dhe diamantesh të Napolonit I dhe një diademë e Empress Eugénie me 212 perla dhe afërsisht 2,000 diamante.

Prokuroria njoftoi se katër persona janë akuzuar deri tani, por gurët e çmuar ende nuk janë gjetur. Së paku një tjetër person dyshohet se është ende në arrati. Mediat franceze raportuan se hajdutët mund të kenë qenë amatorë, pas zbulimit se gjatë ikjes ata hodhën poshtë një prej copave më të vlefshme, kurorën e Eugénie.

“Kjo nuk është delikuence e përditshme… por është një lloj delikuence që zakonisht nuk e lidhim me ato të krimit të organizuar,” tha prokurori Beccuau, duke theksuar se të arrestuarit janë persona lokalë nga Seine-Saint-Denis, një zonë veriore e Parisit i njohur për shkallën e lartë të varfërisë.

Autoritetet thanë se një grua 38-vjeçare dhe një burrë 37-vjeçar janë ndaluar dhe janë vënë në paraburgim, pasi ADN-ja e tyre dyshohet se u gjet në ashensorin e përdorur gjatë grabitjes. 37-vjeçari është akuzuar për vjedhje të organizuar dhe komplot kriminal, ndërsa partnerja e tij për përfshirje në vjedhje të organizuar dhe komplot. Ata kanë mohuar përfshirjen, ndërsa gruaja u shfaq e përlotur në gjykatë, duke thënë se frikësohet për fëmijët e saj.

Disa ditë më parë u arrestuan edhe dy burra të tjerë: një 34-vjeçar nga Algjeria, i cili jeton në Francë që nga 2010, dhe një 39-vjeçar që ishte nën mbikëqyrje gjyqësore për vjedhje të rënda. Të dy kanë pranuar pjesërisht përfshirjen e tyre. Të tre burrat e akuzuar më parë njiheshin nga policia për rekorde vjedhjesh.

Për hetuesit, një sfidë e madhe mbetet gjetja e bizhuterive dhe parandalimi i mundësive për t’i shitur ato në tregun paralel, një mundësi që prokuroria po e shqyrton me seriozitet. “Po hetojmë të gjitha pistat mbi tregun paralel të këtyre bizhuterive, që shpresoj të mos ndodhë së shpejti,” tha Beccuau, pa dhënë detaje të tjera për shkak të sekretit hetimor.