Flick kërkon më shumë efikasitet nga Rashford

Trajneri i Barcelonës, Hansi Flick, ka vlerësuar paraqitjen e Marcus Rashford pas fitores 3-1 ndaj Elches, por kërkoi nga ai më shumë efikasitet në zonën sulmuese.

Rashford shënoi golin e tretë për katalanasit nga një kënd i ngushtë, duke e çuar Barcelonën në vendin e dytë në LaLiga me 25 pikë, pesë më pak se Real Madridi.

“Kur sheh rastet që krijon, mendoj se mund të kishte edhe një ose dy gola më shumë. Ai ka potencial të madh dhe është shumë i rëndësishëm për ne,” tha Flick.

Sulmuesi anglez, që është në huazim nga Manchester United, ka realizuar gjashtë gola në të gjitha garat këtë sezon. Ai vetë pranoi se duhet të përmirësojë vendimmarrjen në zonën e fundit.

“Disa herë vendosa gabim nëse duhej të pasoja apo të godisja. Por gjëja më e rëndësishme është që skuadra fitoi,” tha Rashford.

Barcelona tani përgatitet për ndeshjen ndaj Club Brugge në Ligën e Kampionëve të mërkurën, përpara se të përballet me Celta Vigon në fundjavë.