Liridon Latifi shënon për Shkëndijen, por polakët barazojnë në minutën e 90+10

Futbollisti nga Kosova, Liridon Latifi, ka shënuar për Shkëndijen e Tetovës, por në kohën shtesë iu mohua fitorja e dytë rresht në Conference League.

Shkëndija, kampion i Maqedonisë së Veriut, ka barazuar me rezultat 1:1 me Jagiellonia-n.

Pjesa e parë e ndeshjes mbyllet pa gola në stadiumin “Todor Proeski” në Shkup.

Në fillim të pjesës së dytë, Latifi doli në skenë e tronditi polakët.

Latifi ka shënuar nga afërsia pas harkimit nga rivënia e këndit e futbollistit Wesber.

Në minutën e 90+10, Sergio Lozano barazoi dhe ia mohoi fitoren skuadrës shqiptare.

Shkëndija renditet në vend të 21-të me 4 pikë, ndërsa skuadra polake në pozitën e 14-të me 5 pikë.