Drenica shtang Ballkanin

Drenica e Skenderajt ka shënuar fitore të madhe me rezultat 2:0 ndaj Ballkanit, në ndeshjen e javës së 13-të të elitës së futbollit të Kosovës.

Gjatë pjesës së parë udhëtuesit shpërdoruan disa raste të mira.

Në pjesën e dytë Drenica ka treguar lojë të mirë duke ndëshkuar dy herë ish kampionin e Kosovës. 

Futbollisti Udoyen Akpan shënoi për 1:0 nga afërsia, pas asistimit të Indrit Prodanit pikërisht në minutën e 56-të.

Kreshnik Uka në minutën e 63-të shënoi gol të bukur me kokë në këndin e majtë të portës së therandasve, 2:0.

Drenica ngritet në vend të katërt me 18 pikë e ka 5 më pak se Ballkani që gjendet dy vende më lartë.