Berat Gjimshiti me gjest të madh, i dhuron atlete futbolli KF Tërnocit

Kapiteni dhe mbrojtësi i kombëtares shqiptare, Berat Gjimshiti ka bërë një gjest të madh për klubin e Tërnocit, që i zhvillon garat në kategorinë e pestë të futbollit serb.

Mbrojtësi i Atalantës i ka dhuruar atlete futbolli të gjithë ekipit të parë të Tërnocit.

Kështu ka njoftuar vetë klubi në rrjetin social “Facebook”.

“Faleminderit Kapiten!

Një falënderim i veçantë për Berat Gjimshitin, kapitenin e Kombëtares shqiptare dhe bashkëvendasin tonë, i cili na ka dhuruar atlete futbolli të markës më të njohur për të gjithë ekipin e parë të KF Tërnocit.

Ky gjest tregon zemrën e madhe dhe dashurinë që ka për vendlindjen dhe futbollin tonë.

Faleminderit, Berat, që nuk na harron!”, shkruan Tërnoci.