Atalanta shkarkon trajnerin Ivan Juric

Klubi italian Atalanta ka vendosur të shkarkojë trajnerin Ivan Juric pas humbjes 3-0 në shtëpi ndaj Sassuolo gjatë fundjavës.

Me këtë rezultat, pas njëmbëdhjetë xhirove, ekipi gjendet në vendin e trembëdhjetë në Serie A

Juric ishte emëruar në qershor për të zëvendësuar Gian Piero Gasperini pas nëntë viteve të këtij të fundit, por nuk ka arritur ta përsërisë suksesin e sezonit të kaluar, kur Atalanta kishte përfunduar e treta. Ky sezon ka sjellë vetëm dy fitore në kampionat, ndërsa ekipi është njëmbëdhjetë pikë prapa liderit, Inter.

“Atalanta BC njofton se Ivan Juric është liruar nga detyra e trajnerit të ekipit të parë. Falënderojmë Juric dhe stafin e tij për punën dhe u urojmë të mirat në të ardhmen.”

Sipas mediave lokale italiane, ish-trajneri i Fiorentinës, Raffaele Palladino, është kandidati kryesor për ta marrë drejtimin e ekipit.