Serafimov: Në çdo ndeshje synojmë rezultat pozitiv

Maqedonia nisi fushatën ndërkombëtare të nëntorit me një grumbulllim zyrtar në hotelin “Hilton” në Shkup. Grumbullimi vjen para dy ndeshjeve të fundit të vitit, ndeshjen miqësore kundër Letonisë më 13 nëntor në Shkup dhe ndeshjes së fundit kualifikuese kundër Uellsit më 18 nëntor në Kardif.

Nikola Serafimov, theksoi se gjëja më e rëndësishme për ekipin është ruajtja e shpirtit fitues. Sipas tij, fokusi kryesor mbetet te ndeshja me Uellsin, e cila pritet të jetë një nga ndeshjet më të vështira në këto kualifikuese.

“Para së gjithash, shpresoj që pas ndeshjes me Letoninë të gjithë lojtarët të jenë të shëndetshëm, sepse ajo që është më e rëndësishme për ne në këtë moment është, sigurisht, ndeshja me Uellsin.

Nuk pres që stafi i trajnerëve të “hapë letrat” në atë ndeshje, as që të përgatiten variante taktike për ndeshjen me Uellsin, pikërisht për këtë arsye, sepse ajo ndeshje është më e rëndësishme. Megjithatë, mendoj se me një fitore kundër Letonisë do të hynim në duelin me Uellsin në një atmosferë të mirë, fituese, gjë që është e rëndësishme në këtë moment.”

Ndeshja me Letoninë do të jetë një provë e shkëlqyer për ne. Pastaj vjen ndeshja më e rëndësishme në këto kualifikuese kundër ekipit kombëtar të Uellsit. Do të jetë një ndeshje shumë e vështirë, e ngjashme me atë që luajtëm këtu, në Shkup.

Do të bëjmë çmos që ta bëjmë Maqedoninë të lumtur dhe të arrijmë një rezultat pozitiv. Kur luan kundër ekipeve kombëtare të nivelit botëror, barra më e madhe gjatë ndeshjes gjithmonë bie mbi mbrojtjen. Por e kam thënë shumë herë se mbrojtja jonë fillon me lojtarin tonë më të shquar. Kështu do të jetë edhe këtë herë dhe shpresoj se do të arrijmë t’i bëjmë ballë presionit të tyre.

“Mendoj se nëpërmjet këtyre kualifikimeve kemi treguar se qasja jonë, pavarësisht kundërshtarit, është gjithmonë në një nivel të lartë. Në çdo ndeshje synojmë një rezultat pozitiv dhe kështu do të jetë edhe kundër Uellsit.

E sollëm veten në këtë situatë, falë lojërave dhe rezultateve tona. Mendoj se pritjet e publikut janë rritur dhe kjo është mirë.

Por, nga ana tjetër, duhet t’i konfirmojmë të gjitha këto në fushë, në çdo ndeshje të radhës. Gjithmonë ka presion kur luajmë për Maqedoninë, por ne kemi treguar se dimë si ta përballojmë atë"..