Hyrje falas për ndeshjen miqësore, Maqedoni-Letoni

Maqedonia do të luajë ndeshjen e fundit në shtëpi për këtë vit, të enjten, më 13 nëntor, me fillim në orën 18:00.
Në Arenën “Todor Proeski”, Maqedonia do të luajë një ndeshje kontrolluese kundër Letonisë.

Federata e Futbollit e Maqedonisë (FFM) njofton publikun se hyrja në këtë ndeshje do të jetë falas për të gjithë tifozët.

“Kjo është mënyra jonë për të shprehur mirënjohjen ndaj të gjithëve për mbështetjen e tyre të pakursyer gjatë gjithë vitit.

Njëkohësisht, të gjithë ata që kanë blerë tashmë një biletë për këtë ndeshje do të marrin një biletë falas për ndeshjen e radhës në shtëpi, pavarësisht nëse është një ndeshje play-off për kualifikimin në Kupën e Botës apo një ndeshje e një natyre tjetër.

Ju ftojmë të bashkoheni me ne, në krijimin e një atmosfere tjetër të bukur dhe duke u dhënë mbështetje të fortë lojtarëve tanë në ndeshjen e fundit para tifozëve vendas këtë vit dhe inkurajim për ndeshjen e fundit kualifikuese kundër Uellsit në Kardiff”, thuhet në njoftimin e FFM-së