Dyshohet se planifikonte atentat ndaj Scholz dhe Merkel, arrestohet

Prokuroria Federale në Gjermani njoftoi arrestimin e një 49‑vjeçari, të dyshuar si anëtar i grupit të njohur “Qytetarët e Rajhut”, i cili planifikonte atentate ndaj politikanëve.

Mes emrave në listën e supozuar të “të dënuarve me vdekje” përmenden ish‑kancelarët Olaf Scholz dhe Angela Merkel, si dhe ish‑ministra të tjerë federalë.

Sipas The Guardian, i arrestuari, i identifikuar me inicialet Martin Sh. dhe me shtetësi gjermano‑polake, u ndalua mbrëmjen e së hënës në Dortmund.

Autoritetet deklaruan se ai kohët e fundit organizonte sulme përmes një faqeje që e kishte titulluar “Politika e Vrasjeve”, transmeton TCh.

Në atë faqe ai shpjegonte një skemë ku mbështetësit do të dërgonin donacione në kriptomonedha, si “shpërblim për kapje”, për persona që do t’i kryenin vrasjet e politikanëve të cilët ai i quante “kundërshtarë”.