Sa para fiton Shqipëria nëse kualifikohet në botërorin historik

Shqipëria asnjëherë deri më tash nuk ka qenë pjesë e finales së madhe të ekipeve nga e gjithë bota garë kjo e FIFA-s që organizohet çdo katër vjet.

Por, kjo nuk do të thotë se kuqezinjtë nuk do të arrijnë të sigurojnë ndonjëherë biletën për botërorin historik, raporton KosovaPress.

Nëse kuqezinjtë sigurojnë mesin e 48 skuadrave në fazën finale të Botërorit, atëherë shpërblimi është rreth 9 milionë euro.

Më pas çdo fitore në grupet e botërorit ka shpërblim prej rreth 1.5 milionë eurosh, teksa barazimi siguron gjysmë milion euro.

Ekipet në play-off, nëse Shqipëria sonte mposht Andorrën në grupin K, mund të jenë Polonia, Çekia, Sllovakia apo Italia. Këto ndeshje do të zhvillohen në muajin mars 2026.