Greqi/Del nga rruga autobusi me 30 pelegrinë, raportohet për 12 të lënduar
- Bota Sot
Një autobus me 30 pelegrinë ka përfunduar jashtë rrugës këtë të shtunë, në afërsi të Athinës.
Mediat greke raportojnë se 12 persona kanë marrë dëmtime, ndërsa rrethanat e tjera të aksidentit ende nuk bëhen me dije .
Autoritetet greke janë duke punuar për zbardhjen e ngjarjes.
Autobusi ishte nisur nga qyteti i Larisa dhe kishte destinacion një manastir në Kanalia, Magnezi.
Forcat e policisë, tre automjete të zjarrfikësve dhe katër ambulanca shkuan me shpejtësi në vendngjarje, ndërsa shoferët që kalonin ndaluan dhe nxituan për të ndihmuar.
