Largimi i Ingo Martinez ka lënë një boshllëk

Largimi i Ingo Martinez ka lënë një boshllëk shumë të madh te Barcelona, reparti i mbrojtjes ka shfaqur mjaft probleme këtë sezon. Hansi Flick ka kërkuar nga drejtuesit e klubit një përforcim dinjitoz në merkaton e ardhshme për qendrën e mbrojtjes.

Një nga emrat “big” që po ndiqet me shumë interes nga katalanasit është Goncalo Ignacio, qendërmbrojtësi i Sporting Lisbon, për të cilin ka interes të madh nga disa klube.

Sigurisht që bisedimet me Sporting Lisbon nuk do të jenë aspak të lehta, klauzola aktuale e lirimit të Goncalo Ignacio është 60 milionë euro, duke ditur që kontrata e tij me klubin portugez skadon në vitin 2027.

Ndërkohë, plani i Sporting Lisbon është të rinovojë para përfundimit të këtij sezoni me lojtarin deri në vitin 2030 dhe të rrisë klauzolën për largimin e tij në 80 milionë euro.

Emra të tjerë që po ndjek Barcelona për qendrën e mbrojtjes janë edhe Marc Guehi, Ibrahima Konate dhe Dayot Upamecano, të tre do të jenë lojtarë të lirë në fund të këtij sezoni.