Fëmijë mes 25 të vrarëve në sulmet vdekjeprurëse të Rusisë në Ukrainë

Të paktën 25 njerëz janë vrarë, përfshirë tre fëmijë, në një sulm rus me raketa dhe dronë që goditi dy blloqe banesash në qytetin perëndimor të Ternopilit, thonë zyrtarët ukrainas.

Ata thonë se edhe 73 persona të tjerë u plagosën, 15 prej tyre fëmijë, në sulmin e së mërkurës herët – një nga më vdekjeprurësit në rajon që nga fillimi i pushtimit të plotë të Moskës në shkurt 2022.

Forcat ajrore të Ukrainës thanë më vonë se raketat ruse të tipit X-101 kishin goditur ndërtesat e banimit, raporton BBC.

Rajonet fqinje të Lvivit dhe Ivano-Frankivskut u goditën gjithashtu, dhe një sulm me dron në tre distrikte të qytetit verilindor të Kharkivit plagosi më shumë se 30 veta. Fotot e postuara online tregonin ndërtesa dhe makina të përfshira nga flakët.